Gwefannau i bawb!

Mae ein holl wefannau yn hawdd i bobl o bob gallu eu cyrchu. Os am eglurhad, gweler y dudalen ar wahân ar hygyrchedd y wefan hon.

Mynnwch archwiliad cychwynnol am ddim ar gyfer eich tudalen hafan!

A yw hanner eich ymwelwyr yn cael eu troi i ffwrdd wrth y fynedfa?
A yw 70% o’ch cwsmeriaid posibl yn methu dod o hyd i chi?
Mae’r wefan fusnes neu sefydliadol gyffredin yn colli arian am ei bod yn cau traffig allan*.

Nid yw llawer o bobl sy’n gyfrifol am gomisiynu gwefannau’n sylweddoli bod safonau swyddogol ar gyfer cyrchu a defnyddio gwefannau yn hwylus.

Mae Cyberium yn datblygu gwefannau sy’n cydymffurfio â safonau’r ‘Web Accessibility Initiative’.

Bydd y rhain yn rhoi mwy o siawns i’ch gwefan gael ei darganfod a’i defnyddio gan y nifer fwyaf o bobl.

Darganfyddwch pa mor dda yw eich gwefan, a’r Adenillion ar Fuddsoddiad ar gyfer cywiro unrhyw broblemau.

Mynnwch archwiliad cychwynnol am ddim ar gyfer eich tudalen hafan!

Archwilio safleoedd cyfan o £100. Galwch 01654 761590 neu e-bostiwch ni nawr!

Ymdriniaeth gynhwysol

Mae yna amcangyfrif o 8 miliwn o bobl anabl yn y DG yn unig. I lawer ohonynt mae defnyddio’r We yn dod â phosibiliadau enfawr i wella ansawdd eu bywydau, ond daw rhwystredigaethau mawr hefyd am nad yw llawer o ddylunwyr yn deall sut mae pobl anabl yn defnyddio cyfrifiaduron a’r We.
Mae hygyrchedd yn golygu:

• y gall pobl â golwg ddiffygiol barhau i ddarllen y safle
• bod y rhai sy’n defnyddio darllenwyr sgrin yn gallu ‘clywed’ eich safle
• bod pobl ddyslecsig yn gallu’i darllen yn ogystal â rhai â lliwddallineb
• bod pobl sy’n methu defnyddio llygoden a/neu fysellfwrdd yn medru llywio’r safle
• nad yw’n cloi allan y bobl hynny sydd heb, neu’n methu gwerthfawrogi’r ‘plug-in’ angenrheidiol
• ei bod yn hawdd ei darganfod
• ei bod yn gyflym a hawdd ei lawrlwytho
• ei bod yn gweithio ym mhob porwr a phlatfform
• ei bod wedi’i dylunio’n dda a’i chynllunio’n ofalus 

Bydd safle sy’n gwneud y pethau hyn i gyd yn cyrraedd llawer mwy o bobl ac yn sgorio’n uwch gyda pheiriannau chwilio.

Deddfwriaeth

Dylai gwefannau gydymffurfio â Deddf Gwahaniaethu ar sail Anabledd i raddau helaeth.

Rydyn ni wedi cydweithio â Sianel 4 i ddatblygu a gweithredu’i pholisi dan faniffesto Rhwydwaith Anabledd Darlledwyr. Rydyn ni wedi cynorthwyo adrannau llywodraeth i gynhyrchu gwefannau hygyrch a chynhwysol, ac wedi cymryd rhan mewn gweithdai Swyddfa Gabinet E-Lywodraeth i ddatblygu safonau.

Rydyn ni hefyd wedi darparu tudalen adnodd am ddylunio ar gyfer gwefannau hawdd eu cyrchu a’u defnyddio.

Sut y gallwn helpu

Gallwn ddarparu cymorth i unrhyw sefydliad a chwmni sy’n dymuno darparu cynnwys hawdd i’w gyrchu trwy’r rhyngrwyd. Mynnwch archwiliad cychwynnol am ddim ar gyfer eich tudalen hafan! Gofynnwch inni am ymgynghoriad cychwynnol nawr!
* yn seiliedig ar ymchwil o wefannau busnes Mentrau Bach a Chanolig (SME) Gwyddelig. Rydyn ni’n meddwl bod hyn yn gyffredinol wir. Gweler: http://www.ismewebcheck.com/research-report-page.html